Վրաստանում ստեղծված ներքաղաքական իրավիճակում հայ համայնքի ներկայացուցիչները, այդ թվում ջավախահայերը չեզոքություն են պահպանում: Այդ մասին մամուլի ասուլիսում հայտարարել է Հայաստանի խորհրդարանի ՀՀԿ խմբակցության պատգամավոր, «Ջավախք» հայրենակցական միության նախագահ Շիրակ Թորոսյանը:
Նրա խոսքով, սովորաբար հայ համայնքի ներկայացուցիչները բոլոր երկրներում նման իրավիճակներում աջակցում են գործող իշխանություններին, սակայն Վրաստանի դեպքում հայերը նախընտրում են չեզոքություն պահպանել:
Միաժամանակ Թորոսյանը նշել է, որ եթե ընդդիմությունը կոնկրետ խոստումներ տա Վրաստանի հայերին, որ կլուծի նրանց խնդիրները, կարգավիճակ կտա Հայ առաքելական եկեղեցուն, հայ համայնքը կարող է աջակցել Վրաստանի ընդդիմությանը, թեպետ վրացական ընդդիմությունն առ այսօր որեւէ խոստում չի տվել հայ համայնքին:
Ըստ Թորսյանի, Բուրջանաձեի գլխավորած ընդդիմության կուրսը հուսադրող է, որ կլուծի սոցիալ-տնտեսական խնդիրները, բայց դա Ջավախքի հայերի հիմնական խնդիրը չէ, եւ հետեւաբար ընդդիմության միանալու խթան չի լինի: