Թուրքիայի բարձրագույն վարչական դատարանը մայիսի 25-ի որոշմամբ մասնակի վերացրել է ալկոհոլի վաճառքի նկատմամբ սահմանափակումները, որոնք կիրառվում էին 2011 հունվարից:
Այդ սահմանափակումներով արգելվում էր ալկոհոլի վաճառքով զբաղվել մինչեւ 24 տարեկաններին` նախկին 18-ի փոխարեն, ինչպես նաեւ խանութներին արգելվում էր փոքր տարաներով սպիրտային խմիչքի վաճառքը:
Վարչական դատարան հայցն ուղարկել էր Անկարայի բարերի ասոցիացիայի կողմից` նշված սահմանփակումները վերացնելու պահանջով: Դատարանի որոշմամբ` տարիքային ցենզի բարձրացումը հակասում է գործող օրենսդրությանը: Վաճառվող ապրանքի տարայի չափի նկատմամբ սահմանափակումը եւս հանվել է:
