Վրաստանի նախագահ Միխայիլ Սահակաշվիլին բացատրել է, թե ինչու է ներքին գործերի նախարարությունը նախօրեին հրապարակել հեռախոսազրույցը, որում Նինո Բուրջանաձեն ու նրա որդին քննարկում են քաղաքացիական պատերազմ հրահրելու հնարավորությունը: Սահակաշվիլիի խոսքով, իշխանությունների նպատակն էր բացահայտել ռուսական հատուկ ծառայությունների ծրագրերը` Վրաստանի ամբողջականությունը խաթարելու ուղղությամբ, որի հետեւում կանգնած է Վլադիմիր Պուտինը:
Նշենք, որ Միխայիլ Սահակաշվիլին նախօրեին ռազմական շքերթին հայտնել էր, թե Վրաստանում «հինգերորդ շարասյուն» է գործել, որը «Ռուսաստանում մշակված ծրագիրն էր իրականացրել»:
Նշենք, որ մայիսի 26-ի գիշերը վրացական ոստիկանությունը դաժանաբար ցրել էր ընդդիմության հանրահավաքը: Զոհվել էին երկու ոստիկան, ձերբակալվել ընդդիմության 90 համակիր: