Հունիսի 3-ին, ժամը 03.30-ին, շտապօգնությունից ոստիկանության Էրեբունու բաժնում հաղորդում է ստացվել, որ Տիգրան Մեծի պողոտայի բնակարաններից մեկում հայտնաբերվել է 76-ամյա Սվետլանա Գրիգորյանի դիակը:
Ոստիկանության մամուլի ծառայությունից NEWS.am-ին հայտնում են, որ դիահերձարանում կատարված զննությամբ դիակի վրա հայտնաբերվել են բռնության հետքեր:
Փաստի առթիվ ոստիկանության Էրեբունու քննչական բաժնում ՀՀ քրեական օրենսգրքի 104 հոդվածի (Սպանությունը) 1-ին մասի հատկանիշներով հարուցվել է քրեական գործ:
Նույն օրը, ժամը 05.55-ին, ոստիկանության Երեւան քաղաքի վարչության եւ Էրեբունու բաժնի ծառայողների ձեռնարկած օպերատիվ-քննչական միջոցառումների շնորհիվ բերման է ենթարկվել 43-ամյա Արամ Դիլանյանը, որը խոստովանել է, որ գիշերը, ոգելից խմիչքի ազդեցության տակ, նշված բնակարանում բռունցքներով հարվածել է Ս. Գրիգորյանին եւ պատճառել մահ:
Արամ Դիլանյանը ձերբակալված է, կատարվում է նախաքննություն:
