Դիարբեքիրի Դիջլեյի համալսարանի բժկական ֆակուլտետին ISO 9001 սերտիֆիկատի հանձնման ժամանակ Դիարբեքիրի գլխավոր դատախազը ուշագրավ խոստովանություն է արել։
Թուրքական Beyazgazete-ի փոխանցմամբ՝ սերտիֆիկատի հանձնման միջոցառմանը Դիարբեքիրի կոնսերվատորիայի ուսանողները կատարել են հայերեն, քրդերեն, թուրքերեն եւ զազայերեն երգեր։ Միջոցառմանը ներկա Դիարբեքիրի գլխավոր դատախազ Դուդու Քավաքը շեշտել է, թե ինչքան է փոխվել Թուրքիան, որ տարբեր լեզուներով երգեր են երգում։ «Եթե 2006-ին նման մի միջոցառման մասնակցեի եւ այս երգերը երգեին, կլքեի դահլիճը եւ օտար լեզուներով երգողներին կձերբակալեի»,- ասել է դատախազը՝ շնորհակալություն հայտնելով այդ համարձակներին, ովքեր դրական փոփոխություններ են կատարում Դիարբեքիրում։