Հայաստանի ոստիկանության պետ, ոստիկանության գեներալ-լեյտենանտ Ալիկ Սարգսյանի գլխավորած պատվիրակությունը հունիսի 7-ին մեկնել է ՌԴ Աստրախան քաղաք` մասնակցելու հունիսի 8-9-ին Աստրախանում կայանալիք Ռուսաստանի ՆԳՆ եւ Հայաստանի ոստիկանության Միավորված կոլեգիայի հերթական նիստին:
Նիստի ընթացքում կքննարկվեն «Հանցագործությունների քննության եւ բացահայտման նպատակով տեղեկատվության փոխանակման ուղղությամբ ՌԴ ՆԳՆ եւ ՀՀ ոստիկանության փոխհամագործակցության վիճակի մասին» եւ «ՌԴ ՆԳՆ եւ ՀՀ ոստիկանության Միավորված կոլեգիայի 2012 թ. աշխատանքի պլանի նախագծի մասին» հարցերը: