Ամերիկյան Ռոդ-Այլենդ նահանգի Գլխավոր Ասամբլեան օրինագիծ է ընդունել, որով նահանգի կրթության վարչությանը հրահանգում է օգնություն ցուցաբերել դպրոցներին ցեղասպանությունների դասավանդման հարցում, հաղորդում է Associated Press-ը:
Համաձան օրենսդրության, կրթության վարչությունը պետք է իր կայքում ցեղասպանության ուսումնական նյութեր զետեղի, այդ թվում Հոլոքոսթի եւ Հայաստանի, Կամբոջայի, Դարֆուրի, Իրաքի եւ Դարֆուրի ցեղասպանությունների մասին: Դա թույլ կտա ուսուցիչներին ավելի լավ տեղեկանալ նյութերի մասին:
Նշենք, որ դեռ 2000 թվականին գլխավոր ասամբլեան օրենք է ընդունել, որով պաշտոնյաներին պարտավորեցնում է ուսումնական ծրագիր մշակել ցեղասպանությունների եւ մարդու իրավունքների վերաբերյալ: