ԵԱՀԿ Մինսկի խմբի համանախագահները հունիսի 15-ին հանդես են եկել Եվրահանձնաժողովի միջազգային հարաբերությունների կոմիտեում:
ԵԱՀԿ Մինսկի խմբի ամերիկացի համանախագահ Ռոբերտ Բրադկեն հայտարարել է, որ Մինսկի խումբը շատ արդյունավետ է գործել: Բրադկեի խոսքով, հետագայում ԼՂ խնդրի կարգավորման հարցում ավելի մեծ դեր կարող է ունենալ նաեւ ԵՄ-ն: Անդրադառնալով համանախագահների աշխատանքի արդյունավետությանը, ամերիկացի համանախագահը հայտարարել է. «Գլխավորը, որը մեզ հաջողվել է` նոր պատերազմի բացառումն է»:
Իր հերթին ֆրանսիացի համանախագահ Բեռնար Ֆասիեն ընդգծել է, որ եթե բանակցային սեղանին գտնվող Հիմնարար սկզբունքները մոտ ժամանակներս չընդունվեն, ապա համանախագահները նոր հայեցակարգով հանդես կգան: