Congress Hotel – Yerevan-ում հունիսի 26-ին ավարտվել է համակարգչային խաղերի Հայաստանի 5-րդ ազգային բաց առաջնությունը: Առաջնության կազմակերպիչներն են «ԱրմենՏել» ՓԲԸ-ն (ապրանքանիշը Beeline) եւ Կիբերսպորտի ազգային պրոֆեսիոնալ լիգան (National Professional Cybersport League, NPCL): Մրցումներն անցկացվում են որպես համակարգչային խաղերի աշխարհի խոշորագույն առաջնության WCG (World Cyber Games) ընտրական փուլ: WCG-ն իր պատմությունը սկսել է 2000 թվականից եւ մտահղացվել է որպես աշխարհի ամենախոշոր առաջնություն:
Հայաստանի առաջնությանը մասնակիցները մրցել են չորս մրցախաղերում, ինչպես անհատական (FIFA 2011 եւ StarCraft 2), այնպես էլ թիմային (Counter-Strike 1.6 եւ WarCraft 3 Dota):
FIFA 2011 եւ StarCraft 2 մրցումներում առաջին տեղերը գրավածները հնարավորություն կունենան պաշտպանել ազգային դրոշի պատիվը Հարավային Կորեայի Պուսան քաղաքում դեկտեմբերի 8-ից 11-ը կայանալիք WCG միջազգային առաջնությանը:
Առաջնության արդյունքներով հաղթողներ են ճանաչվել.
WarCraft 3 Dota
1. Farmers United
2. Phoenix
3. UEA4
StarCraft 2
1. Հայկ Հակոբյան
2. Պավել Արամյան
3. Բագրատ Դաբաղյան
FIFA 2011
1. Էդմոն Գրիգորյան
2. Լեւոն Սաքեյան
3. Մհեր Եղիազարյան
Counter-Strike 1.6
1. NotAfraid
2. 3M
3. time2kill
Այսպիսով, World Cyber Games 2011-ին կմասնակցեն Հայկ Հակոբյանն ու Էդմոն Գրիգորյանը: Մրցանակային տեղեր զբաղեցրած երիտասարդները արժեքավոր նվերներ ստացան հովանավորներից: Ազգային ընտրական փուլի գլխավոր հովանավորը «ԱրմենՏել» ընկերությունն էր: