Հայաստանի եւ Ուկրաինայի արդյունաբերողների եւ գործարարների միությունները պայմանագիր են ստորագրել հայ-ուկրաինական բիզնես-համաժողովի շրջանակներում գործընկերության վերաբերյալ` երկարաժամկետ առեւտրատնտեսական համագործակցությունն ընդլայնելու, ներդրումային համագործակցության համար փոխշահավետ պայմաններ ստեղծելու համար:
Փաստաթուղթը ստորագրել են Ուկրաինայի արդյունաբերողների եւ գործարարների միության նախագահ Անատոլի Կինախն ու նրա հայ գործընկեր Արսեն Ղազարյանը:
«Հայաստանի, ինչպես եւ Ուկրաինայի առջեւ տնտեսության արդիականացման, մրցունակության բարձրացման, տրանսպորտային ենթակառուցվածքների զարգացման, նորարարական քաղաքականության ուժեղացման խնդիր է դրված: Ուկրաինան պատրաստ է մասնակցել Հայաստանի տրանսպորտային ենթակառուցվածքների վերակառուցմանը, համագործակցել ագրարային հատվածում, քիմիական եւ մետալուրգիական արդյունաբերության, էներգետիկ մեքենաշինության, դեղագործության ոլորտներում համագործակցությանը»,- ասել է Անատոլի Կինախը:
