Աֆղանստանում հուլիսի 5-ին կործանված ադրբեջանական օդանավի անձնակազմի բոլոր անդամները մահացել են:
Ինչպես Trend գործակալությանը հայտնել է Աֆղանստանի Սիյահ Հերդ նահանգի Փարվան գավառի ղեկավար Աբդուլհալիմ Մուջադադին, օդանավը բախվել է լեռանը Աքսան գյուղի շրջակայքում, ինչից հետո հրդեհ է բռնկվել:
Դեպքի հանգամանքները ուսումնասիրելու համար քննչական խումբ է ստեղծվել:
Ըստ Մուջադադիի, օդանավում ութ մարդ է եղել: Նա հերքել է Թալիբանի պնդումը, թե օդանավը խփվել է:
«Ադրբեջանական ավիաուղիների» ուղեւրատար օդանավը կործանվել էր Փարվանում հուլիսի 5-ին:
