ԱՄՆ պետքարտուղար Հիլարի Քլինթոնը ժամանել է Ստամբուլ, որտեղ նրան դիմավորել են Թուրքիայում ԱՄՆ դեսպան Ֆրենսիս Ռիկարդոնեն, ԱՄՆ-ում Թուրքիայի դեսպան Նամըք Թանը եւ այլ պաշտոնյաներ։
Թուրքական Timeturk-ի փոխանցմամբ՝ Քլինթոնն Ստամբուլում մասնակցելու է Լիբիայի հետ կապված հանդիպմանը, սակայն Թուրքիայի նախագահի, վարչապետի եւ արտգործնախարարի հետ հանդիպումների ընթացքում քննարկվելու են տարածաշրջանային խնդիրներ։ Հայտնի է, որ օրակարգում լինելու է նաեւ Հայաստանի եւ Կիպրոսի հետ կապված խնդիրները։
Հիլարի Քլինթոնը հանդիպելու է նաեւ Թուրքիայի գլխավոր ընդդիմադիր «Ժողովրդա-հանրապետական» կուսակցության առաջնորդ Քեմալ Քըլըչդարօղլուի հետ։