Իրանի զինված ուժերը քրդական PKK-ի իրանական թեւի` PJAK-ի դեմ հուլիս 16-ից սկսած ռազմական գործողություններին ընթացքում մեծ թվով զոհեր են տվել:
Այս մասին տեղեկացնում է քրդական Firat գործակալությունը` շեշտելով, որ PJAK-ի խոսնակ Շիրզադ Քեմանգերը նշել է, թե միայն հուլիսի 21-ին սպանվել է 7 իրանցի բարձրաստիճան սպա, որոնցից մեկը գեներալ է եղել:
Նշվում է, որ Հյուսիսային Իրաքի տարածք մտած իրանցի զինվորականների դեմ քուրդ զինյալների կողմից իրականացրած գործողության ընթացքում պայթեցվել է զինվորական մի մեքենա, որի ներսում գտնվող 7 բարձրաստիճան զինվորականները զոհվել են:
Քրդական աղբյուրը պնդում է, թե իրանական զինուժերի կողմից հուլիսի 16-ից սկսած գործողությունների ընթացքում սպանվել է 7 քուրդ զինյալ, իսկ իրանական զինուժը կորցրել է 150-ից 180 զինվորական:
Իրանի պահապանների բանակի ցամաքային ուժերի հրամանատարությունը հայտարարել է, թե բազմահազար զինվորականներով սկսված գործողությունը շարունակվելու է այնքան, մինչ տարածքները մաքրվեն քուրդ զինյալներից: