Անցած հանգստյան օրերին մեկնարկել են դեռեւս անվանում չունեցող կատակերգության նկարահանումները: Ֆիլմում նկարահանվում է կոմիկ դերասան Միխայիլ Գալուստյանը:
Գալուստյանը համաձայնել է մարմնավորել Աստրիդ Լինդգրենի հայտնի հեքիաթի հերոսին:
Ըստ նախագծի պրոդյուսերների` Միխայիլ Գալուստյանի կերպարը շատ է հիշեցնելու Կառլսոնին: Նա կրելու է զվարճալի տաբատ, սակայն ամենաշատը սիրելու է չարություններ անել, բայց, ահա, պրոպելլեր չի ունենա:
Դերասանական կազմում հանդես են գալիս Ալեքսանդր Օլեշկոն, Նոնա Գրիշաեւան, Գոշա Կուցենկոն, Ռոմա Զենչուկը, Դմիտրի Խրուստալյովը, Իգոր Վերնիկը, Մարիա Սյոմկինան: Նկարահանումները ղեկավարում է Սարիկ Անդրեասյանը, իսկ նրան օգնելու է Գեորգի Մալկովը: Նախատեսվում է, որ պրեմիերան կկայանա հաջորդ տարվա հունվարի 5-ին: