Բրեստի սահմանապահները Բելառուսի հարավ-արեւմուտքում սահմանախախտների խումբ են ձերբակալել: Բոլոր ձերբակալվածները Հայաստանի քաղաքացիներ են եւ նույն ընտանիքի անդամներ: «Բրեստի» անցակետից օրինական ճանապարհով արտասահման մեկնելու անհաջող փորձից հետո, ընտանիքը որոշել է շրջանցել այն:
Բրեստի սահմանապահ խմբի մամլո ծառայության ղեկավար Ալեքսանդր Կիսլովի խոսքով` սահմանապահներին օգնել են տեղի բնակիչները: Սահմանախախտների մոտ եղել են անձնական իրեր, ԱՄՆ դոլարով ոչ մեծ գումար եւ 8 հազ. եվրո:
Ընտանիքի հայրը հայտարարել է, որ այդ գումարներն ստացել է Հայաստանում տան վաճառքից, որպեսզի մեկնի Ֆրանսիա բուժվելու: