Անգլիայի հարավ-արեւմուտքում գտնվող Բորնմուտ քաղաքից ոչ հեռու աղետի է ենթարկվել բրիտանական ռազմաօդային ուժերի կործանիչը:
Ինքնաթիռի օդաչուն` Ջոն Էգինտը, զոհվել է:Ինչպես հաղորդում է բրիտանական զինված ուժերի տեղեկատվական ծառայությունը, աղետը տեղի է ունեցել բրիտանական ռազմաօդային ուժերի` օդային ակրոբատիկայի մեջ մասնագիտացած «Կարմիր նետեր» ստորաբաժանման օդային շոուից հետո:
Ականատեսների խոսքով` ինքնաթիռը մի քանի անգամ բախվել է գետնին, հետո ընկել գետը:Նշենք, որ «Կարմիր նետերը» ստեղծվել է 1965 թ-ին եւ այդ պահից ի վեր անցկացրել է ավելի քան 4 հազար ցուցադրություն աշխարհի տարբեր երկրներում: