Ադրբեջանում զանգվածաբար աշխատանքից ազատում են ուսուցիչներին եւ միջնակարգ դպրոցների այլ աշխատակիցների, ում տարիքն անցել է 65-ից:
Ինչպես հայտնել է այդ երկրի կրթության նախարար Միսիր Մարդանովը, աշխատանքից կզրկվի շուրջ 17 հազար աշխատակից, հաղորդում է Trend-ը:
«Մենք այդ աշխատանքն անցկացնում ենք նրա համար, որպեսզի կրթության համակարգը երկրորդ շնչառություն ձեռք բերի, այստեղ գան երիտասարդ կադրեր»,- հայտարարել է նա:
«Մենք չենք պատրաստվում այս գործընթացն իրագործել մեկ տարվա ընթացքում, մենք դա աստիճանաբար կիրականացնենք»,- ասել է Մարդանովը:
Նրա խոսքով, այդ քայլն ուղղված է կրթության հմակարգում նոր կադրերի ներգրավմանը: Եթե 65 տարեկանից բարձր աշխատակիցների աշխատանքից ազատման արդյունքում կադրային խնդիրներ ծագեն, իշխանությունները ժամանակավորապես կդադարեցնեն այդ գործընթացը, հավելել է նա: