Տաջիկստանի մայրաքաղաք Դուշանբեում այսօր` սեպտեմբերի 3-ին բացվել է ԱՊՀ հոբելյանական գագաթաժողովը:
Փակ դռների հետեւում հանդիպումը տեղի է ունենում նեղ շրջանակում, այնուհետեւ երկրների առաջնորդներին կմիանան պատվիրակությունները, հաղորդում է «ՌԻԱ նովոստին»:
ԱՊՀ երկրների ղեկավարները քննարկում են ԱՊՀ հետագա զարգացման հարցերը եւ արդիական միջազգային խնդիրները:
Հիշեցնենք, որ ԱՊՀ ոչ բոլոր երկրների ղեկավարներն են մասնակցում հոբելյանական գագաթաժողովին: Չեն մասնակցում, մասնավորապես, Ուզբեկստանի, Ադրբեջանի եւ Բելառուսի նախագահները: Հայաստանի նախագահ Սերժ Սարգսյանը ժամանել է Դուշանբե սեպտեմբերի 2-ին:
Այս տարվա դեկտեմբերին լրանում է ԱՊՀ-ի ստեղծման 20-ամյակը:
