Անվանի շանսոնյե Շառլ Ազնավուրն օգոստոսի 28-ին «Գրքերի անտառ» (Forêt des livres) փառատոնի ընթացքում արժանացել է Հավերժ երիտասարդության մրցանակի:
Փառատոնը կազմակերպվել է գեղատեսիլ Շանսո պրե Լոշ գյուցղում, որն ընդամենը 125 բնակիչ ունի, հաղորդում է ֆրանսիական «Le Monde» պարբերականը:
Ազնավուրը 87 տարեկանում, նոր սկավառակի թողարկումից հետո եւ «Օլիմպիայում» կայանալիք համերգի նախօրեին, հրատարակել է «Մեկ դռնից մյուսը» («Dune porte lautre») գիրքը, որը լույս է տեսել սեպտեմբերի 1 –ին: Նա պարգեւը կիսում է «Կապիտանի նժույգները» գրքի հեղինակ, 92-ամյա ակադեմիկոս Ռենե դը Օբալդիյայի հետ: