Հայաստանի էկոնոմիկայի նախարար Տիգրան Դավթյանն այսօր` սեպտեմբերի 7-ին, եռօրյա աշխատանքային այցով կմեկնի Լեհաստան` մասնակցելու Եվրոպական ժողովրդական կուսակցության խմբի բյուրոյի հանդիպմանը եւ Արեւելյան գործընկերության էկոնոմիկայի նախարարների նախարարական համաժողովին:
Էկոնոմիկայի նախարարության մամուլի ծառայությունից NEWS.am-ին հայտնում են, որ սեպտեմբերի 8-ին Տիգրան Դավթյանը կմասնակցի Լեհաստանի Վրոցլավ քաղաքում կայանալիք Եվրոպական ժողովրդական կուսակցության խմբի բյուրոյի հանդիպմանը, որի ընթացքում նախատեսվում է «Եվրոպական հարեւանության քաղաքականության մարտահրավերները եւ հնարավորություններըե թեմայով քննարկում:
Իսկ սեպտեմբերի 9-ին ՀՀ էկոնոմիկայի նախարարը կմասնակցի ԼՀ Կրինիցա քաղաքում կայանալիք Արեւելյան գործընկերության էկոնոմիկայի նախարարների նախարարական համաժողովին, որին ներկա են լինելու Արեւելյան գործընկերության եւ ԵՄ անդամ երկրների նախարարները:
