Հայաստանի ԱԳ նախարար Էդվարդ Նալբանդյանը պաշտոնական այցով կժամանի Բելառուս: Բելառուսի ԱԳՆ մամուլի ծառայությունից «BELTA»-ի թղթակցին հայտնել են, որ այցը կկայանա սեպտեմբերի 12-ին:
Այցելության ընթացքում նախատեսվում է քննարկել քաղաքական, առեւտրատնտեսական, հումանիտար եւ այլ ոլորտներին առնչվող երկկողմ համագործակցության հարցերի լայն շրջանակ:
Հատուկ ուշադրություն պետք է դարձվի փոխգործակցության եւ երկու երկրների միջեւ երկխոսության ընդլայնման հեռանկարներին:
Սպասվում է, որ բանակցությունների արդյունքում, երկու երկրների ԱԳՆ-ների միջեւ 2011-12 թվականների համար համագործակցության պլան կստորագրվի:
