Ուկրաինայի գլխավոր դատախազի տեղակալ Ալեքսեյ Սիմոնենկոն հեռացվել է աշխատանքից։ Այս մասին տեղեկացրել է ժողովրդական պատգամավոր Յարոսլավ Ժելեզնյակն իր Թելեգրամ-ալիքում։ «Украинская правда»-ի աղբյուրները եւս տեղեկացրել են, որ Սիմոնենկոյին խնդրել են ազատման դիմում գրել։
«Ազատել են Կիրիլ Տիմոշենկոյին (Հանրային պալատի նախագահի տեղակալ։ Նրա փոխարեն, ամենայն հավանականությամբ, ճիշտ է, որ կլինի Ալեքսեյ Կուլեբան, նահանգապետ)։ Գումարած՝ ճիշտ է, որ կհանվեն մի քանի նահանգապետեր։ Եվ ազատել են գլխավոր դաախազի տեղակալ Ալեքսեյ Սիմոնենկոյին»,- գրել է Ժելեզնյակը։
Հիշեցնենք, որ այսօր լրագրող Միխայիլ Տկաչը տեղեկացրել է, որ Սիմոնենկոն այս ձմռանը 10 օր հանգստացել է Իսպանիայում։ Լուսանկարները հանգստի վայրից Instagram-ում հրապարակել է նրա կինը։
Սիմոնենկոն մեկնել էր Մարբելյա՝ չնայած այն բանին, որ Ուկրաինայի նախագահ Վլադիմիր Զելենսկին արգելել էր քաղաքական գործիչներին եւ պաշտոնյաներին պատերազմի ժամանակ հանգստանալ արտասահմանում։
