Իրանի Արեւմտյան Ատրպատականի նահանգի ընկերությունները պատրաստվում են բուլղարական Վառնա նավահանգստում նավթամշակման գործարան կառուցել։ Ինչպես հայտնում է բուլղարական «Ստանդարտ» թերթը, այս մասին հայտնել է Բուլղարիայում Իրանի դեսպան Գոլամռեզա Մոգադամը։
Իրանական կողմը պատրաստ է գործարանը կառուցել ինչպես ինքնուրույն, այնպես էլ բուլղարական ընկերությունների մասնակցությամբ։
Ներկայումս Իրանում աշխատում է 10 նավթամշակման գործարան, կառուցվում են նորերը։
Հիշեցնենք, որ Ռուսաստանից հետո Բուլղարիան Հայաստան նավթամթերք արտահանող երկրորդ երկիրն է։ 2010 թվականին նավթամթերքի ներկրումը Բուլղարիայից կազմել է 90 մլն դոլար, կամ ամբողջ ծավալի 13,9 տոկոսը։