Վրաստանի եւ Ադրբեջանի արտգործնախարարները սերտ համագործակցությունը խորացնելու պատրաստակամություն են հայտնել, հաղորդում է Trend գործակալությունը` հղում կատարելով Վրաստանի արտաքին քաղաքական գերատեսչությանը:
Գրիգոլ Վաշաձեի եւ Էլմար Մամեդյարովի հանդիպումը կայացել է Նյու Յորքում, ՄԱԿ-ի գլխավոր վեհաժողովի 66-րդ նստաշրջանի շրջանակում:
Կողմերը քննարկել են վրաց-ադրբեջանական փոխհարաբերությունների լայն շրջանակ: Մասնավորապես, անդրադարձ է եղել երկկողմ տնտեսական եւ քաղաքական հարցերին, ինչպես նաեւ ՄԱԿ-ի եւ միջազգային այլ կազմակերպությունների շրջանակում բազմակողմ ձեւաչափով համագործակցությանը: