Ադրբեջանի մայրաքաղաքում շարունակվող բռնցքամարտի աշխարհի նախաօլիմպիական վարկանիշային առաջնությունում այսօր, սեպտեմբերի 29-ին ռինգ դուրս եկավ Հայաստանի հավաքականի երրորդ ներկայացուցիչը: Այս անգամ էլ հաղթահարել առաջին փուլի արգելքը չստացվեց:
69 կգ քաշային կարգում Սամվել Մաթեւոսյանը 1/32-րդ եզրափակիչի մենամարտում 11:21 հաշվով պարտվեց մոնղոլ Տուվշիբատ Մյամբային:
Նախքան այս, հենց առաջին մենամարտում պարտություն էին կրել 56 կգ քաշային Հովհաննես Բաչկովը եւ 81 կգ քաշային Արթուր Քոչարյանը:
Վաղը, սեպտեմբերի 30-ին ռինգ դուրս կգա 64 կգ քաշային Հրաչիկ Ջավախյանը:
