ԼՂՀ արտգործնախարարի պաշտոնակատար Վասիլի Աթաջանյանը, սեպտեմբերի 30-ին, ընդունել է ԱՄՆ Քալիֆորնիա նահանգի Սենատի անդամ Ջոզեֆ Սիմիթյանին եւ «Փարոս» հիմնադրամի գործադիր տնօրեն Փիթեր Աբաջյանին:
Հյուրերի խնդրանքով, Աթաջանյանը ներկայացրել է ԼՂ հակամարտության նախապատմությունը, կանգ առնելով ղարաբաղյան ազատագրական շարժման հիմնական փուլերի մասին, տեղեկացրել կարգավորման գործընթացի ներկա վիճակի մասին: Զրույցի ընթացքում ընդգծվել է ԼՂ խնդրի խաղաղ լուծման անհրաժեշտությունը:
Վասիլի Աթաջանյանը շնորհակալություն է հայտնել ԱՄՆ կառավարությանը` ԼՂՀ-ին ֆինանսական օգնություն ցուցաբերելու համար: