Հայաստանի արտգործնախարարության առաջարկով Լիտվայում կստեղծվի Հայաստանի դեսպանություն: Ըստ կառավարության պաշտոնական կայքէջի` ՀՀ նախագահի հրամանագրին հավանություն տալու հարցը ներառված է կառավարության հոկտեմբերի 6-ի նիստի օրակարգում:
Լիտվան առաջին երկիրն է, որ ճանաչել է Հայաստանի անկախությունը (1991թ. օգոստոսի 14-ին): Հայաստանի եւ Լիտվայի միջեւ դիվանագիտական հարաբերությունները հաստատվել են 1991թ. նոյեմբերի 21-ին:
Լիտվան ճանաչել է Հայոց ցեղասպանությունը (2005թ. դեկտեմբերի 15-ին):
Հարավկովկասյան բոլոր երեք հանրապետություններում Լիտվան ունի դեսպանություններ: Հայաստանում Լիտվայի դեսպանությունը գործում է 2007 թվականից, որը ներկայումս միակն է Բալթյան երկրներից:
Միեւնույն ժամանակ Հարավկովկասյան երկրներից առայժմ միայն Հայաստանն է, որ չունի ռեզիդենտ դիվանագիտական ներկայացուցչություն Լիտվայում: