Բաքվում ընթացող բռնցքամարտի աշխարհի առաջնության մենամարտերը 1/8-րդ եզրափակիչից ուղիղ հեռարձակմամբ հասանելի են ինտերնետում: Հայաստանի հավաքականի կազմում պայքարը շարունակում է միայն աշխարհի փոխչեմպիոն Անդրանիկ Հակոբյանը: 75 կգ քաշային կարգում Հակոբյանի մրցակիցը կլինի մեքսիկացի Խուան Մերկադոն: 1/8-րդ եզրափակիչի մենամարտը Հակոբյանը կանցկացնի այսօր, հոկտեմբերի 4-ին: Հաղթանակի դեպքում հայ բռնցքամարտիկը կնվաճի Լոնդոնի Օլիմպիական խաղերի ուղեգիր: