ԵԽԽՎ-ն բանաձեւ է ընդունել Ալբանիայում, Ադրբեջանում, Հայաստանում եւ Վրաստանում նախածննդաբերական փուլում պտղի սեռի ընտրության մասին:
Փաստաթղթում, մասնավորապես, նշվում է, որ Ալբանիայում, Ադրբեջանում, Հայաստանում եւ Վրաստանում սեռի նախածննդաբերական ընտրությունը հասել է տագնապալի չափերի: ԵԽԽՎ-ն այդ երկրների իշխանություններին կոչ է անում հետաքննել սեռերի հարաբերակցության շեղումները:
Սովորաբար, տղաների եւ աղջիկների հարաբերակցությունը կազմում է 105-ը 110-ի: Ալբանիայում,Ադրբեջանում եւ Հայաստանում այդ ցուցանիշը կազմում է 112-ը 100-ի, իսկ Վրաստանում` 111-ը 100-ի: Դորիս Ստամփի զեկույցի հիման վրա ընդունված բանաձեւը այդ երկրների իշխանություններին կոչ է անում բուժաշխատողների համար անցկացնել դասընթացներ եւ բացատրել սեռի նախածննդաբերական ընտրության բացասական հետեւանքները, ակտիվացնել հասարակությունում կնոջ կարգավիճակի բարձրացմանն ուղղված ջանքերը:
Վեհաժողովը նաեւ կոչ է անում բոլոր անդամ-երկրներին ընդունել օրենսդրություն, որը կարգելի սեռի ընտրությունն ու օրինական աբորտը, բացառությամբ, ժառանգական հիվանդությունների խուսափելու անհրաժեշտության դեպքերում:
Այդ մասին նշվում է ԵԽԽՎ-ի կայքում տեղադրած հայտարարությունում: