Ադրբեջանի կողմից Հայաստանի հասեցին արված` սպառազինությունների մրցավազք հրահրելու մասին մեղադրանքների հետ չի կարելի համաձայնել: Այս մասին NEWS.am-ին ասաց Ռազմավարական հետազոտությունների ռուսաստանյան ինստիտուտի Սեւծովյան- Կասպյան կենտրոնի ղեկավար, փորձագետ Էդուարդ Պոպովը: Նրա խոսքով` հաղթական պատերազմի մասին ռազմատենչ հայտարարություններ արվում են երկու կողմերից էլ, ընդ որում` Ադրբեջանում նման կարծիքներ հնչում են նաեւ պաշտոնատար անձանց կողմից:
«Սակայն առաջին հերթին պաշտոնական Բաքվի հայտարարությունների շնորհիվ է հայտնի, որ Ադրբեջանի ռազմական բյուջեն գերազանցում է ողջ Հայաստանի բյուջեն: Հուսեյնլիի հայտարարությունը կարող է նշանակել Ադրբեջանի աճող ռազմական ծախսերի արդարացում, որն արված է միջազգային լսարանի համար»,- ընդգծեց փորձագետը` ավելացնելով, որ ոչ մի նոր բան չկար Ադրբեջանի դիվանագետի հայտարարության մեջ:
Ինչպես ավելի վաղ հաղորդել էր NEWS.am-ը, Ադրբեջանի ԱԳՆ անվտանգության կառավարման երկրորդ քարտուղար Էլչին Հուսեյնլիին հոկտեմբերի 11-ին հայտարարել էր, որ «Հայաստանն ավելի ինտենսիվ կերպով է սպառազինվում, քան Ադրբեջանը» եւ որ «Երեւանը պատրաստվում է ոչ թե խաղաղության, այլ պատերազմի»: