Ադրբեջանն ու Թուրքիան գազային համաձայնագրերի փաթեթ են ստորագրել, որտեղ ներառված են Թուրքիայի համար ադրբեջանական «Շահ Դենիզ» հանքավայրից ստացվող գազի արժեքը, որը համարվում է որպես հիմնական աղբյուր «Հարավային գազային միջանցքի» նախագծերի համար:
«Շահ Դենիզ-2» նախագծի շրջանակներում, Ադրբեջանը նախատեսում է 10 մլրդ խմ գազ մատակարարել Եվրոպային:
Համաձայնեցված են նաեւ 2017-ից հետո այդ հանքավայրից Թուրքիային հատկացվող գազի ծավալները եւ Թուրքիայի տարածքով գազի տարանցման համաձայնագրի պայմանները, հաղորդում է Trend-ը` վկայակոչելով TRT Haber-ին:
