Թուրքիան եւ Ադրբեջանը մտադիր են նոր գազամուղ կառուցել Թուրքիայի տարածքում, որով հնարավոր կլինի մինչեւ 2025 թվականը Ադրբեջանից Թուրքիա հասցնել 50 մլրդ խմ գազ: Այս մասին այսօր` հոկտեմբերի 27-ին, հայտարարել է Ադրբեջանի պետական նավթային ընկերության (SOCAR) ղեկավար Ռովնագ Աբդուլաեւը:
Անկարան եւ Բաքուն պայմանավորվել են քննարկել այդ գազամուղի կառուցման հնարավորությունը, ANS հեռուստաալիքին տված հարցազրույցում նշել է SOCAR-ի ղեկավարը, հաղորդում է Trend-ը:
Գազի արդյունահանման մեծացմամբ պայմանավորված խողովակաշարի հզորությունը նույնպես պետք է մեծացնել: Այս նախագիծը կիրականացվի երկու երկրների կողմից, սակայն հնարավոր է նաեւ օտարերկրյա ընկերությունների մասնակցություն, ասել է Աբդուլաեւը: