Հայաստանում թմրանյութերի ապօրինի շրջանառության հետ կապված հանցագործությունների նվազում է արձանագրվել: Այդ մասին NEWS.am-ի թղթակցին հայտնեցին Հայաստանի ոստիկանության կազմակերպված հանցավորության դեմ պայքարի գլխավոր վարչությունում:
Համաձայն աղբյուրի` 2011 թ. 9 ամսվա ընթացքում վարչության եւ ոստիկանության այլ ստորաբաժանումների համատեղ աշխատանքի արդյունքում թմրամոլության եւ թմրանյութերի ու հոգեմետ նյութերի ապօրինի շրջանառության դեմ պայքարի ոլորտում բացահայտվել է 1108 հանցագործություն եւ վարչական իրավախախատման 185 փաստ (2010թ. նույն ժամնակահատվածի համապատասխանաբար 1152-ի եւ 205-ի դիմաց):
Միաժամանակ` Հայաստանում թմրանյութերի ապօրինի շրջանառության հետ կապված հանցավորության ցուցանիշը ԱՊՀ-ում ամենացածրերից մեկն է: Այսպիսով, 2009թ. ցուցանիշներով, Հայաստանում բռնագրավվել է 56 կգ թմրանյութ, բացահայտվել է 1238 հանցագործություն, թմրամիջոցների ապօրինի օգտագործման համար հաշվառվել է յուրաքաչյուր 3021-ը: Համեմատության համար, օրինակ, Բելառուսում առգրավվել է 649կգ թմրանյութ, բացահայտվել է 4522 հանցագործություն, թմրամիջոցների ապօրինի օգտագործման համար հաշվառվել է յուրաքաչյուր 804-րդը: Ուկրաինայում այդ ցուցանիշները համապատասխանաբար կազմում են 10 տոննա, 57 624 հանցագործություն եւ յուրաքանչյուր 294-րդը: