Իրանի նախագահ Մահմուդ Ահմադինեժադը մինչեւ տարեվերջ կայցելի Հայաստան, հաղորդում է իրանական Mehr գործակալությունը:
Իրանի նախագահի աշխատակազմի աշխատակից Մոհամմադ ռեզա Ֆարեղանին հաղորդել է, որ այցի շրջանակներում քննարկվելու են տարածաշրջանային եւ երկկողմ հարաբերությունների հարցեր: Ակնկալվում է նաեւ տնտեսության ոլորտում մի շարք փաստաթղթերի ստորագրում:
Նշենք, որ Հայաստանի նախագահ Սերժ Սարգսյանը մարտի վերջին այցելել էր Իրան եւ ամսնակցել նովրուզի տոնակատարություններին: Ահմադինեջադն այս տարի արդեն մեկ անգամ հետաձգել է իր այցը Հայաստան: