Լեռնային Ղարաբաղի հանրապետության նախագահ Բակո Սահակյանը Հայաստանի պետական տնտեսագիտական համալսարանի տնտեսական աշխարհագրության ամբիոնի վարիչ, դոկտոր, պրոֆեսոր Սերգեյ Մելքումյանին պարգեւատրել է «Երախտագիտություն» մեդալով: NEWS.am-ին ԼՂՀ-ի նախագահի մամուլի ծառայությունից հայտնեցին, որ նոյեմբերի 1-ին Բակո Սահակյանը ստորագրել է հրամանագիր` Լեռնային Ղարաբաղի Հանրապետությանը մատուցած ծառայությունների, գիտա-մանկավարժական երկարամյա գործունեության համար եւ ծննդյան 80-րդ տարեդարձի կապակցությամբ Սերգեյ Մելքումյանին «Երախտագիտություն» մեդալով պարգեւատրվելու մասին: