Հայաստանի կառավարությունը հնարավոր չի համարում լրացուցիչ 10 մլն դրամ հատկացնելու օմբուդսմենի գրասենյակին: Այդ մասին պետբյուջեի վերաբերյալ խորհրդարանական լսումների ժամանակ հայտարարել է Հայաստանի մարդու իրավունքների պաշտպան Կարեն Անդրեասյանը:
Նշենք, որ ՄԻՊ գրասենյակը 2012թ. բյուջեով ստանալու է 164 մլն դրամ, որից 65 մլն-ը հատկացրել է Հայաստանի կառավարությունը:
«Մենք ըստ էության, խնդրում ենք պետական ծախսերի ընդհանուր ավելացման մեկ տոկոսի հարյուրերորդ մասը: Մեր կառույցը չի հավակնում հատուկ դիրք ստանալ 8 տասնյակ պետական գերատեսչությունների շարքում, որոնք եւս բյուջետային ֆինանսավորման կարիք ունեն»,- ասել է օմբուդսմենը:
