Մեզ չի կարող չտագնապել հակաարդյունավետ ու վերջնագրային, երբեմն նաև վիրավորական հռետորաբանությունը, որն այսօր գերիշխում է ՀԱՊԿ թեմաներով Հայաստանի ղեկավարության հայտարարություններում և սերմանվում հայ հասարակության մեջ։ Այս մասին այսօր՝ մարտի 13-ին, ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Մենք երբեք կասկածի կատ չենք դրել, չենք դնում եւ չենք դնելու որևէ պետության ինքնիշխան իրավունքը՝ արտահայտելու իր արտաքին քաղաքականությունը, ներառյալ միջազգային և տարածաշրջանային որոշակի կառույցների աշխատանքին մասնակցության աստիճանը՝ ելնելով իր ազգային շահերից և ընդունված պարտավորություններից։ Դա լիովին վերաբերում է ՀԱՊԿ-ին։ Միևնույն ժամանակ, մեզ չի կարող չանհանգստացնել հակաարդյունավետ և վերջնագրային, երբեմն էլ վիրավորական հռետորաբանությունը, որն այսօր գերիշխում է կազմակերպության թեմայի վերաբերյալ Հայաստանի ղեկավարության հայտարարություններում և բառիս բուն իմաստով սերմանվում հայ հասարակության մեջ»,- նշեց նա։
Միևնույն ժամանակ, Մարիա Զախարովան ընդգծել է, որ ՀԱՊԿ-ը «երկրներ, պետություններ և մարդիկ են, որոնք տասնամյակների ընթացքում ստեղծել են ոչ միայն այս կազմակերպությունը, այլ ձևավորել են հենց այս անվտանգությունը, որն ապահովել է խաղաղություն և կայունություն մեր հսկայական տարածքում։ տարածքով վիթխարի երկրներ և, ի դեպ, պատմական ժամանակաշրջանի տեսանկյունից շատ դժվար ժամանակաշրջան»։
Որպես օրինակ նա թվարկել է պետությունների դուրս գալը միասնական միութենական պետությունից, սեփական պետականության ձևավորումը, մարտահրավերները միջազգային անվտանգության ոլորտում, նոր մարտահրավերներ և սպառնալիքներ։
«Ես անընդունելի եմ համարում նվաստացուցիչ վերաբերմունքը հսկայական թվով մարդկանց աշխատանքի նկատմամբ, որը մենք տեսել ենք, և որի արդյունքները երկար ժամանակ ակնհայտ են եղել բոլորի համար», - ասել է Մարիա Զախարովան։
