Ֆրանսիայի նախագահ Նիկոլա Սարկոզին խորհրդարանական մեծամասնության հետ հանդիպման ժամանակ եւս մեկ անգամ պնդել է իր համոզմունքը Հայոց ցեղասպանություն ժխտումը քրեականացնող օրինագծի վերաբերյալ, ինչպես արվել էր Հայաստան կատարած այցի ժամանակ, հաղորդում է «Marianne2»-ը:
Նշենք, որ Հայոց ցեղասպանության ժխտումը քրեականացնող օրինագծի քննարկումը նախատեսվում է Սենատում:
Համաձայն ֆրանսիական պարբերականի` մինչ այժմ կառավարությունը միշտ էլ դեմ է եղել այս օրինագծի ընդունմանը` գտնելով, որ գոյություն ունեցող օերնսդրությունը բավարար է:
Բացի այդ, Սարկոզի կողմից հրավիրված` Միություն հանուն ժողովրդական շարժման կուսակցության բարոնները նշել են, թե այդ նախաձեռնությունը կարող է վնասել Թուրքիայի, որը ֆրանսիացի գործարարների համար մեծ շուկա է, եւ անգամ Գերմանիայի հետ հարաբերությունները, որտեղ մեծաթիվ թուրք համայնք կա:
Ամեն դեպքում` կուսակցության ղեկավարությունը կարծում է, որ Ֆրանսիայի հայերին սիրաշահելու ամեն փորձ ապարդյուն է, քանի որ այդ ընտրազանգվածն ավելի շատ հակված է Ֆրանսուա Օլանդի կողմը: Ունենալով տարբեր գաղափարներ` թե Սարկոզին, թե Օլանդը ցանկանում են ստանալ հայ համայնքի ձայները: