Գազայի հումանիտար կարիքները բավարարելու համար ծանր բեռներ մատակարարելու միակ արդյունավետ և գործուն միջոցը ավտոմոբիլային տրանսպորտն է, որը ենթադրում է առևտրային մատակարարումների էքսպոնենտալ աճ, կիրակի օրը հայտարարել է ՄԱԿ-ի գլխավոր քարտուղար Անտոնիո Գուտերեշը, հայտնում է Reuters-ը։
Ելույթ ունենալով Եգիպտոս կատարած այցի ժամանակ՝ Գուտերեշը նաև զգուշացրել է, որ Գազայի պատերազմն իր ազդեցությունն է թողնում ամբողջ աշխարհի վրա։
«Պաղեստինցիների մարդկային արժանապատվության դեմ ամենօրյա ոտնձգությունը վստահության ճգնաժամ է ստեղծում միջազգային հանրության հանդեպ»,- ասել է նա։
Վերջերս ԱՄՆ-ն սկսել էր պաղեստինցիների համար սննդի կապոցներ նետել օդից: Լրատվամիջոցները նույնիսկ հայտնեցին օդից բեռների ընկնելու հետևանքով մի քանի մարդու մահվան մասին, սակայն Վաշինգտոնը հերքում է այդ տեղեկությունը։
