Արցախում` Հադրութ քաղաքում կաթսայատուն է պայթել: Միջադեպը տեղի է ունեցել նոյեմբերի 8-ին, ժամը 15:36-ին:
Լեռնային Ղարաբաղի փրկարար ծառայության հասարակայնության հետ կապերի բաժնից NEWS.am-ին հայտնեցին, որ պայթել է Հադրութի շրջանային վարչակազմի կաթսայատան ջրատաքացուցիչը:
Պայթյունի հետեւանքով, ծանր վնասվածքներ է ստացել Հադրութի բնակիչ, 25-ամյա Արմեն Արկադիի Մարտիրոսյանը, ով մահացել է Ստեփանակերտի հանրապետական հիվանդանոց տեղափոխվելու ճանապարհին:
Մյուսը վիրավորը` Հադրութի բնակիչ, 44-ամյա Կառլեն Դադամյանը մարմնական թեթեւ վնասվածքով տեղափոխվել է Հադրութի հիվանդանոց: Նա արդեն երեկ դուրս է գրվել:
ԼՂՀ փրկարար ծառայության տնօրենի հրամանով ստեղծվել է հանձնաժողով: Իրավապահներն իրականացնում են նախաքննություն: