Ֆրանսիան բախվում է ահաբեկչական սպառնալիքի աննախադեպ մակարդակի։ Այս մասին տեղեկացրել է Ֆրանսիայի ՆԳ նախարար Ժերալդ Դարմանենը France 2 հեռուստաալիքի հարցազրույցում։

«Մենք երբեք Ֆրանսիայում այսքան ահաբեկչություն չենք կանխել»,- ասել է նա։ Նախարարի խոսքով՝ երկրում կանխվում է մեկ ահաբեկչություն երկու ամիսը մեկ»։ Հատուկ ծառայություններն աշխատում են, որպեսզի թույլ չտան ահաբեկչական գրոհների կազմակերպումը եւ իրականացումը, դրանց ֆինանսավորումը, ինչպես նաեւ բռնում են նրանց, ովքեր ծրագրել են հարձակումների կատարումը, նշել է նախարարը։

Քաղաքական գործիչն ավելացրել է, որ 2020 թվականից երկրում կանխվել է 14 ահաբեկչական գրոհ։ Դարմանենը նաեւ հետախուզությանն ու Ֆրանսիայի բնակչությանը կոչ է արել զգոն լինել, քանի որ ահաբեկչական «սպառնալիքը մեծ է»։