Brent և WTI նավթի գներն ավարտվել են 2024 թվականի մարտ և առաջին եռամսյակում ուժեղ աճով։ Ուրբաթ օրն այս երկու տեսակի նավթի առևտուր չի լինի, քանի որ բորսաները փակ են Ավագ ուրբաթ օրը:
Մարտին Brent-ը թանկացել է 4,6%-ով, WTI-ն՝ 6,3%-ով։ Ըստ Dow Jones Market-ի տվյալների՝ առաջին եռամսյակում գներն աճել են 13,6%-ով և 16,1%-ով:
Հինգշաբթի օրը Լոնդոնի ICE Futures բորսայում Brent ապրանքանիշի մայիսի ֆյուչերսների արժեքը շուկայի փակման ժամանակ աճել է 1,39 դոլարով (1,6%)՝ հասնելով 87,48 դոլարի՝ մեկ բարելի դիմաց։
WTI տեսակի նավթի մայիսյան ֆյուչերսները Նյու Յորքի ապրանքային բորսայում (NYMEX) էլեկտրոնային սակարկություններում աճել են 1,82 դոլարով (2,2%)՝ հասնելով 83,17 դոլարի՝ մեկ բարելի դիմաց։