Իրավիճակը Վրաստանի խորհրդարանի նիստերի դահլիճում րոպեներ առաջ լարվել է. Պատճառը ընդդիմադիրներ Լեւան Խաբեիշվիլիի եւ Գիորգի Վաշաձեի պահանջն է։ Նրանք ասացին, որ թույլ չեն տա այսօր ելույթ ունենալ այդ հարցով զեկուցող, խորհրդարանական մեծամասնության ղեկավար Մամուկա Մդինարաձեին։ Մամուկա Մդինարաձեն նրանց ասել է, որ չի պատրաստվում այսօր ելույթ ունենալ, քանի որ մի քանի ժամ շարունակ խոսում էր փոփոխությունների բովանդակության մասին, հայտնում է Առաջին վրացական ալիքը։
Սրանից հետո բանավոր «փոխհրաձգություն» է սկսվել ընդդիմության և մեծամասնության ներկայացուցիչների միջև։ Ի վերջո, խորհրդարանի նախագահ Շալվա Պապուաշվիլին որոշել է, որ Գիորգի Վաշաձեն և Լևան Խաբեիշվիլին պետք է լքեն նիստերի դահլիճը։ Կարգադրիչները նրանց դուրս են բերել դահլիճից։
Բացի այդ, նախագահողի որոշմամբ նիստերի դահլիճը լքել են Թինա Բոկուչավան, Թամար Ակուբարդիան և Թամար Կորձայան։ Շալվա Պապուաշվիլին մի քանի անգամ կոչ է արել ընդդիմադիր պատգամավորներին հանդարտվել և խորհրդարանական մեծամասնության անդամներին խոսելու հնարավորություն տալ։
