News
Լրահոս
News
Ուրբաթ
Մայիս 03
Տեսնել լրահոսը

ՔՊ-ականները մի կողմից շարունակում են ստրկաբար ծառայել իրենց շռայլ վարձատրող վարչապետ կոչեցյալին, միևնույն ժամանակ սարսափում են իրենց սպասվող ճակատագրից։ NEWS.am-ի հետ զրույցում ասաց իրավապաշտպան Ավետիք Իշխանյանը՝ անդրադառնալով վերջին շրջանում ընդդիմախոսներին լռեցնելու ոստիկանական բիրտ մեթոդներին, մասնավորապես ՔՊ-ական պատգամավորի ու Սամվել Վարդանյանի միջադեպից հետո նրա հանդեպ ոստիկանների խոշանգումներին։

«Նույնը վերաբերում է նրանց տիրակալ, վարչապետ կոչեցյալին։Իսկ այն ինչ կատարվել է Սամվել Վարդանյանի հետ, չգիտեմ՝ ինչ անուն տալ դրան,խոշտանգում ասելը բավականին մեղմ բնորոշում է։ Այս դեպքը կարելի է բնորոշել որպես պետական ահաբեկչություն։ Եթե մինչ այս դեպքը, ընդդիմադիրներին պատժելու համար շինծու մեղադրանքներ էին առաջադրում, վայրենաբար, ասֆալտին փռելով ձերբակալում էին, ապա ամիսներով կալանք տալիս, ապա արդեն վարչապետ կոչեցյալն անցել է բացարձակ պետական ահաբեկչության»,- նշեց Իշխանյանը՝ հավելելով, որ խոշտանգման հրահանգը տրվել է Փաշինյանի կողմից։

Իրավապաշտպանի խոսքով, իրավապահ մարմինները՝ ոստիկանությունը, քննչական մարմինները, դատախազությունը, շատ դատավորներ վերածվել են Նիկոլ Փաշինյանի ձեռքին բութ գործիքների։ Իշխանյանը նկատում է, եթե հայ հասարակությունը հանդուրժի այս վայրագությունը, ապա սրան կհաջորդեն արդեն քաղաքական սպանությունները։

Նա նաև կասկած չունի, որ այս դեպքի հետ կապված որևէ ոստիկան պատասխանատվության չի ենթարկվելու։

Ավետիք Իշխանյանը, անդրադառնալով վերջերս «Freedom House»-ի զեկույցին, որտեղ իշխանության տարբեր ոլորտների, այդ թվում դատաիրավական համակարգի վերաբերյալ կոշտ քննադատություն էր ներկայացվել, ասաց, որ նման զեկույցն իր համար անսապասելի էր։ «Այդ կազմակերպությունը երկու տարի անընդմեջ Երևանում անցկացրեց իրավապաշտպանական համաժողովներ։ Այդ երկու համաժողովներին հրավիրված էին միայն իշխանության կողմնակիցները, վարչապետ կոչեցյալի գլխավորությամբ։

Հավանաբար, այլևս անհնար է աչք փակել Հայաստանում տիրող իրավիճակի վրա։Հետաքրքիր է, այս զեկույցից հետո շարունակելու՞ են ԵՄ և ԱՄՆ պաշտոնյաները գովերգելու Հայաստանի «ժողովրդավարությունը»,- ասաց Իշխանյանը։

Իրավապաշտպանը հույս հայտնեց նաև, որ «Freedom House»-ին կհետևեն այլ հեղինակավոր իրավապաշտպան կազմակերպություններ, ինչպիսիք են «Human Rights Watch» -ն ու  «Amnesty International»-ը՝ անդրադառնալով հատկապես քաղաքական հետապնդումներին և քաղբանտարկյալներին։

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Ժողովուրդ». 210 մլն դոլարի պայմանագիր. Սարյանի «ՀայՓոստ»-ի փոխարեն` «Համաշխարհային առեւտրի կենտրոն Երեւան»
Ծրագրով նախատեսվում է ստեղծել կոնֆերանս դահլիճներ՝ միջազգային ֆորումների, գագաթնաժողովների եւ այլ...
«Ժողովուրդ». Ռոբերտ Քոչարյանը «Հայաստան»-ի պատգամավորներին հորդորել է ակտիվ լինել թե՛ ԱԺ-ում, թե՛ փողոցային պայքարում
Պատգամավորները երկրորդ նախագահի հետ քննարկել են երկրում ստեղծված իրավիճակը, մասնավորապես...
Ոստիկանությունն այսօր ավելի քան քաղաքականացված և բարոյալքված է. Մենուա Սողոմոնյան
«Հայաքվե» նախաձեռնությունը  ՆԳՆ–ի դիմաց բողոքի ակցիա է իրականացնում...
«Դուք «յաշմա» չեք», «Հանձնեք ուսադիրները, միացեք ժողովրդին». «Հայաքվեի» ակցիան՝ ՆԳՆ-ի դիմաց
Նրանց ձեռքին կան պաստառներ. «Հանցակից մի դարձեք», «Ձեզ խաբում են. «Մի խախտեք մայր օրենքը», «ապահովեք ազատ տեղաշարժի իրավունքը»...
Ներքին զորքերը  փաստացի գրավել են Կիրանց գյուղը, որ գյուղի մի մասը հանձնեն մեր թշնամուն. Չալաբյան
Հանցագործների խմբակը, օգտագործելով ոստիկանին, տապալում է սահմանադրական կարգը...
«Անհասկանալի է ձեր հանդուրժողականությունը». «Հայաստան» և «Պատիվ ունեմ» խմբակցությունների նամակը՝ դեսպանատներին
Սույնով Հայաստանի Հանրապետության Ազգային ժողովի «Հայաստան» և «Պատիվ ունեմ» խմբակցությունները խնդրում են հանդիպում Ձեզ հետ՝ հնարավորինս սեղմ...
Ամենաշատ