Ազատ արձակումից երկու օր անց Իսրայելի ոստիկանությունը Եբրայական համալսարանի պրոֆեսոր Նադերա Շալհուբ-Գևորգյանին հերթական հարցաքննության է կանչել, հայտնում է Al Jazeera-ն՝ վկայակոչելով պրոֆեսորի փաստաբան Ալաու Մահաջնային։
Ավելի վաղ պրոֆեսոր Շալհուբ-Գևորգյանը ապրիլի 18-ին ձերբակալվելուց հետո ազատ էր արձակվել կալանքից։
Շալհուբ-Գևորգյանը, որին հեռուստաալիքը նկարագրում է որպես «կատաղի հակասիոնիստ», ձերբակալվել է սադրանքի կասկածանքով, քանի որ կասկածի տակ է դրել հոկտեմբերի 7-ին Իսրայելի հարավում ՀԱՄԱՍ-ի հարձակումների ժամանակ սեռական ոտնձգությունների մասին մեղադրանքները՝ իբր իսրայելցիներին անվանելով «հանցագործներ»:
Շալհուբ-Գևորգյանը Իսրայելի պաղեստինցի քաղաքացի է։ Նա նաև իրավունքի պրոֆեսոր և վնասվածքների, պետական հանցագործությունների, քրեագիտության, հսկողության հարցերով և ցեղասպանություն ուսումնասիրության փորձագետ է:
Ավելի վաղ նա Երուսաղեմի Եբրայական համալսարանում հեռացվել էր աշխատանքից «հրահրող հակասիոնիստական հայտարարությունների համար»։
