ԵՄ արտաքին գործերի և պաշտպանության նախարարները Լյուքսեմբուրգում համատեղ հանդիպման ժամանակ կքննարկեն Իրանի հրթիռներ և անօդաչուներ արտադրողների դեմ պատժամիջոցների հարցը, Թեհրանի ատոմային ծրագիրը չի քննարկվում, հայտարարել է ԵՄ դիվանագիտական ծառայության ղեկավար Ժոզեպ Բորելը Լյուքսեմբուրգում կայացող նախարարների հանդիպմանը ժամանելիս:
«Իրանի միջուկային ծրագիրն այսօր օրակարգում չէ։ Մենք մտադիր ենք միջոցառումներ ձեռնարկել հրթիռների և անօդաչու թռչող սարքերի արտադրության և արտահանման վերաբերյալ, սա այն է, ինչ քննարկվելու է»,- ասել է նա։
