ՆԱՏՕ-ն ողջունում է Հայաստանի և Ադրբեջանի միջև սահմանի սահմանազատման մասին համաձայնագիրը։ Այս մասին X-ի իր կայքում գրել է Հարավային Կովկասում և Կենտրոնական Ասիայում ՆԱՏՕ-ի հատուկ ներկայացուցիչ Խավիեր Կոլոմինան։
«Մենք ողջունում ենք Հայաստանի և Ադրբեջանի միջև համաձայնագիրը, որը հիմնված է 1991 թվականի Ալմաթիի հռչակագրի վրա՝ որպես սահմանների սահմանազատման հիմք: Երկու երկրների տարածքային ամբողջականության ճանաչումը առանցքային սկզբունք է»,- ասել է Կոլոմինան։
Նա նշել է, որ ՆԱՏՕ-ի գլխավոր քարտուղար Յենս Ստոլտենբերգը վերջերս տարածաշրջան կատարած այցի ժամանակ ասել է, որ դաշինքն ակտիվորեն աջակցում է հայ-ադրբեջանական հարաբերությունների կարգավորմանն ուղղված ջանքերին։