ՌԴ ՊՆ փոխնախարար Թիմուր Իվանովը ձերբակալվել է կաշառք վերցնելու կասկածանքով։ «ՌԴ ՔՕ 290-րդ հոդվածի 6-րդ մասով (կաշառք վերցնելը) նախատեսված հանցագործություն կատարելու կասկածանքով ձերբակալվել է ՌԴ պաշտպանության փոխնախարար Թիմուր Վադիմովիչ Իվանովը։ Կատարվում են անհրաժեշտ քննչական գործողություններ»,- ասված է ՌԴ Քննչական կոմիտեի հաղորդագրությունում։
ՌԴ նախագահ Վլադիմիր Պուտինին զեկուցել են պաշտպանության փոխնախարար Թիմուր Իվանովի ձերբակալության մասին, նախապես տեղեկացվել է նաև պաշտպանության նախարար Սերգեյ Շոյգու: Ըստ РИА Новости-ի՝ դրա մասին լրագրողներին հայտնել է նախագահի մամուլի քարտուղար Դմիտրի Պեսկովը։