Մոլդովայի հակակոռուպցիոն դատախազությունը Գագաուզիա ինքնավարության ղեկավար Եվգենիա Գուցուլին մեղադրանք է առաջադրել Ռուսաստանից գումար ստանալու և այն ներկայումս արգելված ռուսամետ «Շոր» կուսակցությանը փոխանցելու համար։ Չորեքշաբթի՝ ապրիլի 24-ին, հրապարակված գերատեսչության հաղորդագրության մեջ ասվում է, որ նախաքննությունն ավարտվել է, և գործն ուղարկվել է դատարան։
Հետաքննության տվյալներով, 2019 - 2022 թվականներին Գուցուլը, լինելով «Շոր» կուսակցության քարտուղար, պարբերաբար Ռուսաստանից Մոլդովա է բերել կազմակերպված հանցավոր խմբից ստացած գումարները։ Բացի այդ, համակարգելով կուսակցության գրասենյակների գործունեությունը, 2022թ.-ի աշնանը նա եղել է Քիշնևում բողոքի ցույցերի մասնակիցների պարգևատրման ցուցակների ստուգման պատասխանատուն, հայտնել է գերատեսչությունը։ Հակակոռուպցիոն դատախազությունը Գուցուլին մեղադրում է կուսակցության գործունեությունը ֆինանսավորելու համար կազմակերպված հանցավոր խմբից ընդհանուր առմամբ գրեթե 42,5 մլն լեյ (ավելի քան 2,2 մլն եվրո) գումար ստանալու մեջ:
Բացի Գագաուզիայի ղեկավարից, կուսակցության գործունեությունը ֆինանսավորելու համար գիտակցաբար գումար ստանալու համար (9,7 մլն լեյ՝ 0,5 մլն եվրո) մեղադրանք է առաջադրվել նաև Քիշնևում «Շոր» կուսակցության գլխավոր գրասենյակի ղեկավարին:
