Ղազախական կողմի առաջարկով Հայաստանի և Ադրբեջանի ԱԳ նախարարների հնարավոր հանդիպման ամսաթվի մասին կտեղեկացնենք դրա շուրջ պայմանավորվածություն ձեռք բերվելուն պես: Այդ մասին «Ազատությանը» հայտնել է ՀՀ ԱԳՆ մամուլի քարտուղար Անի Բադալյանը:
«ՀՀ-ն դիտարկում է և կողմ է այն միջնորդական ջանքերին կամ բանակցությունների անցկացման հարթակներին, որոնք իրապես միտված են Հարավային Կովկասում հարատև խաղաղության հասնելու նպատակին, աջակցում են հիմնարար սկզբունքների ու փոխհամաձայնեցված փաստաթղթերի, այդ թվում՝ 1991թ. Ալմա-Աթայի հռչակագրի հիման վրա ՀՀ-ի և Ադրբեջանի կողմից միմյանց տարածքային ամբողջականության ճանաչման ու սահմանազատման գործընթացին»,-ասել է նա:
Հիշեցնենք, որ Ադրբեջանի նախագահն ավելի վաղ հայտնել էր, որ իրենք համաձայն են ղազախական հարթակում հանդիպմանը։
